ასე გაჩნდა ბენგ! ბურგერი. მიზანი ერთია: რუსთავს ჰქონდეს ნამდვილი ამერიკული სმეშ ბურგერი, ისეთი, როგორსაც ამერიკულ დაინერში მიირთმევ. თხელი, ხრაშუნა კოტლეტი, მდნარი ყველი, ბენგ სოუსი და ფუნთუშა, რომელიც ყველაფერს ერთად იჭერს.
ბურგერი ჩვენთვის მხოლოდ საჭმელი არ არის. ის მეგობრებთან გატარებული გვიანი საღამოა, მატჩის ბოლო წუთებია და ის პირველი ლუკმა, რომლის შემდეგაც ყველა ჩუმდება.
ამისთვის ხუთი წესი დავწერეთ და არც ერთს არასდროს ვარღვევთ:
- 01
წესი #1ხორცი არასდროს იყინება
ვიყენებთ ახალ შერეულ ხორცს (ძროხა + ღორი). ყოველ კოტლეტს ვაბრტყელებთ გავარვარებულ ზედაპირზე მხოლოდ მაშინ, როცა შეუკვეთავ. ამიტომ აქვს კიდეებს ის ხრაშუნა, მაქმანივით ნაპირები, რომლის გამოც სმეშ ბურგერი გიყვარს.
- 02
წესი #2ხორცს არ ვზოგავთ
თითო კოტლეტი 100 გრამია. ორმაგ ბენგში 200 გრამი ხორცია, სამმაგში 300. ბურგერმა ისე უნდა გაგაძღოს, რომ მეორე დღესაც გახსოვდეს.
- 03
წესი #3ფუნთუშა ჩვენია
ფუნთუშას თავად ვაცხობთ: რბილი, ოქროსფერი და ყოველთვის ახალი. ცუდი ფუნთუშა კარგ ბურგერსაც აფუჭებს, ამიტომ ამ საქმეს სხვას არ ვანდობთ.
- 04
წესი #4ფერმერები ჩვენი გუნდია
ინგრედიენტებს ადგილობრივი ფერმერებისგან ვიღებთ. რაც უფრო მოკლეა გზა ფერმიდან ფუნთუშამდე, მით უფრო გემრიელია შედეგი.
- 05
წესი #5ღამე ჩვენი დროა
ვმუშაობთ ყოველდღე 12:00-დან 02:00-მდე. იმიტომ, რომ ყველაზე ძლიერი შიმშილი ყოველთვის მაშინ მოდის, როცა ყველაფერი უკვე დაკეტილია.
რატომ „ბენგ!“?
იმიტომ, რომ ასე ჟღერს ახალი ხორცი, როცა გავარვარებულ ზედაპირს ეხება. და დაახლოებით ასეთია პირველი ლუკმის შეგრძნებაც: ბენგ!
ჩვენ არ ვცდილობთ ვიყოთ ყველაზე დიდი ქსელი. ვცდილობთ ვიყოთ ის ადგილი, რომელზეც მეგობარს ეტყვი: „აუცილებლად უნდა გასინჯო“.
და თუ ოდესმე შენი ყველაზე კარგი საღამოს ნაწილი ბენგ! ბურგერი იქნება, ესე იგი, ყველაფერი სწორად გავაკეთეთ.